作词 : 阿格思
作曲 : 罗萨
编曲 : 胡晓流
美的许愿 - 谢旦/索南曲珍
词：阿格思
曲：罗萨
制作：谢旦贴吧
ན་ཆུང་གཞོན་ནུའི་ལང་ཚོ།
འདབ་བརྒྱད་པདྨ་ཡག་ལེ།
དྲུག་འགྱུར་དབྱངས་ཀྱི་རོལ་མོ།
བདེ་མོའི་ངག་ལ་ཆགས་སོང་།
ཡ ལ ནས་སོ ཡེ།
ཁ་བ་གངས་ཀྱི་རི་ལ།
འདོད་རྒུའི་ཕྱྭ་གཡང་འཁོར་ཡོད།
ཡུལ་ལ་བཀྲ་ཤིས་དོན་འགྲུབ།
མི་ལ་ཚེ་རིང་ལོ་བརྒྱ།།

ཡུལ་ལ་བཀྲ་ཤིས་དོན་འགྲུབ།
མི་ལ་ཚེ་རིང་ལོ་བརྒྱ།།

མཛེས་པའི་སྤང་དཀར་ཐང་ལ།
རྟ་ནོར་ལུག་གསུམ་འཐོར་ཡོད།
རྫི་བོའི་གཞོན་ནུའི་གླུ་སྒྲ།
རི་ལུང་མེད་པར་འཁྱིལ་ཡོད།
ཡ ལ ནས་སོ ཡེ།

སྤང་ལྗོངས་གཡུ་ཡི་མཚོ་མོར།
དྲོད་འཇམ་ཉི་མ་ཤར་ཡོད།
ཕྱུགས་ལ་བཀྲ་ཤིས་དོན་འགྲུབ།
མི་ལ་ཚེ་རིང་ལོ་བརྒྱ།།

ཕྱུགས་ལ་བཀྲ་ཤིས་དོན་འགྲུབ།
མི་ལ་ཚེ་རིང་ལོ་བརྒྱ།།

སྟག་ཤར་རྩལ་དྲུག་འཛོམས་ས།
སྨན་ཆུང་གཤིས་ཀ་དྲང་ས།
གངས་ལྗོངས་གཡང་གི་ར་བ།
སྐྱིད་པའི་གླུ་སྒྲས་བཏེགས་ཡོད།།

ཡ ལ ནས་སོ ཡེ།

ཆོལ་གསུམ་འཛོམས་པའི་སྒང་ལ།།
གཞས་བྲོ་ལས་ཀྱིས་འགྲིགས་ཡོད།།
ཁྱིམ་ལ་བཀྲ་ཤིས་དོན་འགྲུབ།།
མི་ལ་ཚེ་རིང་ལོ་བརྒྱ།།

ཁྱིམ་ལ་བཀྲ་ཤིས་དོན་འགྲུབ།།
མི་ལ་ཚེ་རིང་ལོ་བརྒྱ།།