白牡丹 笑呅呅 pe̍h-bóo-tan tshiò-bûn-bûn
妖娇含蕊等亲君 iau-kiau-hâm-luí-tán-tshin-kun
无忧愁 无怨恨 bô-iu-tshiû bô-uàn-hūn
单守花园一枝春 tan-siú-hue-hn̂g-it-ki-tshun
啊........
单守花园一枝春 tan-siú-hue-hn̂g-it-ki-tshun

白牡丹 白花蕊 pe̍h-bóo-tan pe̍h-hue-luí
春风无来花无开 tshun-hong-bô-lâi-hue-bô-khui
无乱开 无乱美 bô-luān-khui bô-luān-suí
不愿旋枝出牆围 m̄-guān-suân-ki-tshut-tshiûnn-uî
啊........
不愿旋枝出牆围 m̄-guān-suân-ki-tshut-tshiûnn-uî

白牡丹 等君挽 pe̍h-bóo-tan tán-kun-bán
希望惜花头一层 hi-bāng-sioh-hue-thâu-tsi̍t-tsân
无嫌早 无嫌慢 bô-hiâm-tsá bô-hiâm-bān
甘愿给君插花瓶 kam-guān-hōo-kun-tshah-hue-pân
啊........
甘愿乎君插花瓶 kam-guān-hōo-kun-tshah-hue-pân