作词：武雄
作曲：张锡安(张三李四)
啦啦啦 喔喔喔 啦啦啦 喔喔
伊上惊侬提起许年 海涨来的黄昏
海涌卷走伊的庄头 淹过所有塍园
侬命脆脆拗咧着断 想着予侬心酸
伊则决定离乡背井 走来台湾行船
头摆离开家己的厝（啥侬知故乡外远）
讨海的侬予海讨去（啥侬会当按算）
郁卒的时阵
伊着徛踮码头边
对着大海讲伊想厝
啦啦啦 喔喔喔 啦啦啦 喔喔
毕业许年老师有讲 华语最好能通
若是台语嘛会晓讲 绝对佫较理想
厝内的侬无侬阻挡 甚至充满希望
祝伊一路会当顺风 过来台湾打工
头摆离开家己的厝（离开伊的故乡）
离开家己的序大侬（照顾侬的阿公）
孤单的时阵
伊着爬去厝尾顶
对着月娘讲伊想厝
郁卒的时阵 徛踮码头边
对着大海讲 讲伊 คิดถึงบ้าน
孤单的时阵 爬去厝尾顶
对着月娘讲 讲伊 rindu rumah ku
啊～食苦免怨叹 啊～嘛共款爱讨趁
想厝的时阵 伊着唱这条歌
对着故乡讲伊 讲伊想厝
啦啦啦 喔喔喔 啦啦啦 喔喔
怹老爸过身许一冬 伊犹揣无头路
厝内的重担换伊担 日子真正否度
听厝边讲若甘愿做 趁钱是有撇步
着按呢招几个朋友 来台湾钉枋模
头摆离开家己的厝（踏着异乡的土）
伊用生命替侬起厝（走揣家己的路）
寂寞的时阵
伊着徛伫大楼顶
对着城市讲伊想厝
啦啦啦 喔喔喔 啦啦啦 喔喔
二十岁生日过顶工 厝内来一个侬
怹老爸叫伊爱理解 出去则有美梦
一躯新娘衫红红红 归身躯金当当
怹老母讲从今以后 汝着是台湾侬
头摆离开家己的厝（变成有厝的侬）
用青春换一个老翁（无熟事的老翁）
想厝的时阵
伊着倒咧眠床顶
心里细声讲伊想厝
郁卒的时阵 徛踮码头边
对着大海讲 讲伊 คิดถึงบ้าน
孤单的时阵 爬去厝尾顶
对着月娘讲 讲伊 rindu rumah ku
寂寞的时阵 伊着徛伫大楼顶
对着城市讲 Miss ko na pamilya ko
想厝的时阵 伊着倒咧眠床顶
心内细声讲伊 讲伊 Tôi nhớ nhà