作词 : 林振强
作曲 : 林子祥
（独白）记得有好多年前嘅夏天
太阳特别热 我头发好长 皮肤好黑
人好瘦 但喺就好高
不过嗰年暑假之后 我就再无高过了
我仲记得我成日去游水嘅海滩 第一个追我嘅男同学
永远喺厨房嘅妈咪 同埋好多嘢讲嘅Daddy
嗰年我十一岁

童年在那泥路里伸颈看 一对耍把戏艺人
摇动木偶令到他打筋斗 使我开心拍着手
然而待戏班离去之后我问 为何木偶不留低一丝足印
为何为何曾共我一起的 像时日总未逗留
从前在那炎夏里的暑假 跟我爸爸笑着行
沿途谈谈来日我的打算 首次跟他喝啖酒
然而自他离去之后我问 为何夏变得如冬一般灰暗
为何为何曾共我一起的 像时日总未逗留
从前共你 朦胧夜里 躺于星尘背后
难明白你 为何别去 留下空空的一个地球
徘徊悠悠长路里 今天我知道始终要独行
闲来回头回望去 追忆去 边笑边哭喝啖酒
然而就算哭仍暗私下庆幸 时日在我心留低许多足印
从前从前曾共我一起的 现仍在心内逗留

（独白）我同好多人一样 试过俾人钟意 亦钟意过一啲人
试过好开心 亦试过妒忌 失望 怀疑
我珍惜我碰上过嘅每一个人 可能我哋已经唔会再见到
不过我想话俾你知 有啲时候 我仍然会谂起

从前共你 朦胧夜里 躺于星尘背后
难明白你 为何别去 留下空空的一个地球
徘徊悠悠长路里 今天我知道始终要独行
闲来回头回望去 追忆去 边笑边哭喝啖酒
然而就算哭仍暗私下庆幸 时日在我心留低许多足印
从前从前曾共我一起的 现仍在心内逗留
从前谁曾燃亮我的心 始终一生在心内逗留